13 maio 2018

Subcampions provinciais

En 2016 e 2017 o noso club foi campión en categoría alevín. Un equipo integrado por xogadores de Coruña e Betanzos. Este ano subían de categoría; a categoría infantil.
E quedamos subcampións, por detrás do equipo de Noia, algún dos xogadores do equipo vencedor comentou que "xa tocaba". Agardamos ter un novo choque con estes duros rivais (cos que só nos separou un punto) o vindeiro ano.
E este ano tamén estreabamos na fase provincial un equipo ba categoría benxamin, todo con xogadores de primeiro ano... e tamén logramos o subcampionato.
Con estes resultados estamos a convertirnos nun dos referentes do xadrez escolar en Galicia e agardamos que a traxectoria siga no futuro

03 abril 2018

Día 14 intercomarcal

O día 14 teremos o intercomarcal. Realmente non o fixemos moi mal na fase inicial.
Este foi o resume da mesma:


14 marzo 2018

Cumprimos 5 anos

Hoxe 14 de marzo, estamos de aniversario.
Hai cinco anos celebrabamos a xuntanza fundacional aproveitando a celebración do Campeonato Galego Universitario en Elviña.
Xa de anos antes viña existindo o Xadrez das Mariñas nas competicións escolares da Xunta, como unha selección dos rapaces de CIDU, Sigrás e Betanzos.
Na foto tres dos cinco fundadores ese día. Non aparecen dous, entre eles o noso presidente.
A mellor celebración sería conseguir este fin de semana todos os obxectivos deportivos que podemos alcanzar na Liga Galega e no Xogade da Xunta.

12 marzo 2018

1ª Xornada do Xogade

O domingo tivo lugar a primeira xornada do Xogade.
O pavillón Sofía Toro acolleu o multitudinario torneo que deixou, ao final deste primeiro día ao noso club encabezando as tres categorías.
O vindeiro domingo teremos a segunda e última xornada, na que teremos moito que loitar para manter esta situación.
A clasificación nas categorías alevín e benxamin serán moi loitadas.

13 febreiro 2018

CONVOCATORIA ASEMBLEA XERAL

No cumprimento dos estatutos do Club Xadrez das Mariñas, o presidente deste entidade ven de convocar

ASEMBLEA XERAL EXTRAORDINARIA

Que se desenvolverá o sábado día 24 de febreiro na Sala de Xadrez da Reunión Recreativa e Instructiva de Artesanos.
Primeira convocatoria: 16,00.
Segunda e última convocatoria: 16,30

Orde do Día.

1. Situación actual do Club XDM no terreo deportivo e económico.
2. Acordo coa reunión Recreativa e Instructiva de Artesanos.
3. Cese da actual Xunta Directiva por ter transcurrido o prazo regulamentario.
4. Elección da nova Xunta Directiva.
5. Pregos e enquéritos.


A Coruña, 13 de febreiro de 2018.

12 decembro 2017

LXIX TORNEO DE NAVIDAD

O sábado 16 de nadal celebraremos o LXIX Torneo de Navidad.

Entre os cambios deste 2017 que remata en Artesanos un deles é od e darlle nova forza a este torneo.

Nome do Torneo: LXIX TORNEO DE NAVIDAD

Data: 16 de decembro de 2017.

Lugar: Reunión Recreativa e Instructiva de Artesanos. San Andrés. A Coruña.

Hora de inicio: 17,00.

Hora de entrega de premios aproximada: 19,30.

Sistema de xogo: Suízo a 5 roldas.

Desempates: A sortear tras a derradeira rolda.

Ritmo de xogo: 15 minutos a finish.

Horario das roldas: 17,00 / 17,30 / 18,00 / 18,30 / 19,00.

Categorías: Absoluta, Sub14, Sub12, Sub10 e Sub8.

Premios:
En cada categoría:
1º Clasificado: Trofeo.
2º Clasificado: Trofeo.
3º Clasificado: Trofeo.

Cota: Gratuito.

Advertencia: Os participantes na proba autorizan a publicación dos sus datos persoais nos diferentes medios que a organización considere oportunos para a necesaria difusión do evento (resultados, clasificacións, participantes... etc.) así como a súa presencia nas fotos realizadas cos mesmos propósitos.

A participación leva aparellada a aceptación destas normas.

Inscrición: a través desta ligazón... PREME